Kalengo, Bigirimana warudi kwao kuuguza majeraha

Mshambuliaji kinda Maybin Kalengo amerejea kwao kuuguza majeraha baada ya kufanyiwa upasuaji kufuatia kuvunjika mguu jijini Mwanza

Kalengo aliumia kwenye mchezo wa kirafiki dhidi ya Pamba Fc, alifanyiwa upasuaji Hospitali ya Muhimbili jijini Dar es salaam

Inaelezwa uongozi wa Yanga umempa ruhusu arudi kwao wakati akiendelea kupona majeraha hayo yatakayomuweka nje kwa miezi mitatu

Wakati Kalengo akipewa ruhusa hiyo, kiungo mshambuliaji Issa Bigirimana nae ameomba ruhusu arejee kwao akatibiwe majeraha yanayomsumbua mara kwa mara

Bigirimana hajawa na mwanzo mzuri kwenye kikosi cha Yanga, kwani tangu asajiliwe amekuwa akisumbuliwa na majeraha ya mara kwa mara