Bado jitihada zinafanyika na uongozi wa Yanga katika kuhakikisha timu inakuwa na kiwanja cha mazoezi
Juhudi zimeonekana kwenye kufanya maboresho uwanja wa Kaunda
Changamoto iliyopo ni athari ya mvua ambayo mara kwa mara imesababisha mafuriko na kurudisha nyuma mipango
Lakini Wanayanga wameendelea kujitolea kumwaga kifusi lengo likiwa kupandisha juu eneo la uwanja ili kuepukana na athari za mafuriko
Uongozi wa Yanga umeweka mkakati wa kuweka viwanja viwili hapo Kaunda, kimoja cha nyasi asili na kingine cha nyasi bandia
Mvua zimekuwa zikichelewesha mchakato lakini mipango iliyopo, hadi kufikia mwezi wa pili, pengine moja ya viwanja hivyo vinaweza kuwa tayari
Jambo la msingi uongozi unapaswa kufanya tathmini ya gharama za ukarabati huo kwani tayari kuna eneo Kigamboni ambalo linaweza kutumia gharama ndogo zaidi
Pamoja na uongozi kuweka malengo ya muda mrefu katika eneo hilo, wanaweza kubadili mipango yao kutokana na mahitaji ya wakati wa sasa
Uwanja wa mazoezi inafaa kiwe kipaumbele namba moja kwa sasa, kwani pamoja na kupunguza gharama, itaisaidia Yanga kufanya program zake za mazoezi bila bugudha
