Winga wa zamani wa Yanga Yusufu Mhilu kwa sasa anafanya vizuri kwenye kikosi cha Kagera Sugar akiwa ametupia mabao manne kwenye ligi msimu huu
Alikuwa ni kocha Mwinyi Zahera aliyependekeza kinda huyo atolewe kwa mkopo kwenda klabu ya Ndanda msimu wa 2018/19
Baada ya mkataba wake kumaliiza, mwanzoni mwa msimu Mhilu alijiunga na Kagera Sugar pamoja na Geofrey Mwashiuya ambaye pia aliwahi kuitumikia Yanga
Wawili hao wameifungia Kagera Sugar mabao sita kwenye ligi msimu huu
Wakati huu Yanga ikijipanga kuboresha kikosi chake usajili wa dirisha dogo ambalo litafunguliwa Disemba 15, Mhilu ni mmoja wa wachezaji ambao wanapaswa kuangaliwa kwa ukaribu
Yanga ina changamoto ya washambuliaji wanaotokea pembeni, Mhilu ni aina ya washambuliaji hao
Ana kasi, akili na sasa amekomaa tofauti na misimu miwili iliyopita
Huyu ni zao la klabu ya Yanga kwani amelelewa kwenye kikosi cha timu ya vijana (Yanga B)
