Mwenyekiti wa Yanga Dk Mshindo Msolla amesema ana matumaini makubwa kuwa timu ya Taifa ya Tanzania 'Taifa Stars' itapata ushindi mnono dhidi ya Equatorial Guinea hapo kesho kwenye mchezo wa kusaka tiketi ya michuano ya Afcon 2021
Akizungumza ofisi kwake alipotembelewa na waandishi wa habari za michezo ikiwa ni moja ya hamasa kuelekea mchezo huo, Dk Msolla amesema Tanzania ina kikosi imara kinachoweza kupata matokeo mazuri
"Tuna timu nzuri, sio jambo rahisi kupata ushindi nchini Sudan na kufanikiwa kutinga fainali za CHAN. Sasa ukiongeza na hawa wachezaji wa nje walioongezeka, tuna nafasi nzuri ya kufanya vizuri"
"Hivyo Kwa niaba ya wanachama, wapenzi na mashabiki wa klabu ya Yanga, tunaitakia kila la kheri timu yetu ya Taifa, Taifa Stars, katika mchezo wake dhidi ya Guinea ya Ikweta hapo kesho"
Stars itashuka uwanja wa Taifa kesho Ijumaa saa moja jioni kuikabili Guinea ya Ikweta ukiwa ni mchezo wa kwanza kundi J
Stars iko kundi moja pamoja na Guinea ya Ikweta, Libya na Tunisia
Mchezo wa pili utapigwa Novemba 19 nchini Libya
