Nahodha wa Yanga Papy Tshishimbi amesema wachezaji watampa ushirikiano Kaimu Kocha Mkuu Charles Mkwasa kwani wanafahamu jukumu lao ni kuhakikisha timu inafikia malengo yake
Tshishimbi amesema mabadiliko ya benchi la ufundi hayawezi kuathiri malengo yao kama wachezaji
"Sisi wachezaji tupo Yanga ni kwa ajili ya kufanya kazi na si vingine. Tutapambana muda wote kuona tunaifanya Yanga kufikia malengo yaliyokusudiwa. Tutampa ushirikiano kocha mpya kama ilivyokuwa kwa kocha aliyeondoka", alisema Tshishimbi
Kulikuwa na hofu kuwa kuondolewa kwa aliyekuwa kocha mkuu Mwinyi Zahera, kungesababisha mgawanyiko miongoni mwa wachezaji
Hata hivyo Tshishimbi ambaye aliteuliwa kuwa nahodha na Zahera akichukua majukumu yaliyoachwa na Ibrahim Ajib aliyetimkia Simba, amebainisha kuwa hakuna kilichobadilika miongoni mwa wachezaji
Kulidhihirisha hilo, chini ya Mkwasa walianza kwa ushindi wa bao 1-0 dhidi ya Ndanda Fc kwenye mchezo wa ligi kuu mkoani Mtwara
Kiwango walichoonyesha katika mchezo huo kiliwafurahisha mashabiki kwani walionyesha mabadiliko makubwa
Waiicheza mpira wa kasi, wachezaji wakiwa huru kucheza katika maeneo waliyopangwa
