Mshambuliaji wa zamani wa Yanga Heritier Makambo amesema anaendelea vyema na maisha katika klabu yake mpya ya Horoya Ac
Kumekuwa na tetesi kuwa Horoya Ac iko tayari kumtoa kwa mkopo mshambuliaji huyo baada ya kushindwa kujihakikishia namba kwenye kikosi cha kwanza chenye washambuliaji kama Aristide Bance, Ocansey Mandela, Boniface Haba na Naby Soumah
Tangu atue timu hiyo, Makambo hajawa na mwendelezo mzuri wa kufunga mabao akiwa amefunga bao moja kwenye michuano ya ligi ya mabingwa
Pengine ni kutokana na kutopata nafasi ya kutosha kwenye kikosi cha kwanza
Makambo amesisitiza kuwa hana tatizo na timu hiyo hivyo taarifa za kuwa atatolewa kwa mkopo hazina ukweli wowote
"Niko sawa na sina tatizo lolote na timu yangu ya Horoya. Ndio kwanza tumecheza mechi moja (sasa mbili) ya ligi na nimefunga bao moja," amesema
Yanga na Azam Fc zinahusishwa kumuwania mchezaji huyo kwa mkopo
