Wakati dirisha dogo la usajili likikaribia kufunguliwa, Yanga inahusishwa kuwawania nyota watatu kutoka nchini Rwanda ili kuongeza nguvu kwenye kikosi chake
Nyota hao ni Haruna Niyonzima (Kiungo), Michael Sarpong (Mshambuliaji) na Erick Rutanga (beki-kusoto)
Niyonzima anacheza AS Kigali wakati Sarpong na Rutanga wanacheza Rayon Sports
Kwa nyakati tofauti Mwenyekiti wa Yanga Dk Mshindo Msolla na Makamu wake Fredrick Mwakalebela, walibainisha kuwa katika mpango wa kusajili nyota wapya dirisha dogo
"Tumegundua usajili wetu tuliofanya kwenye dirisha kubwa hakututosheleza bado tuna mapungufu, ndio maana tunataka kuziba kwenye dirisha dogo ili tuweze kurudi kwenye mbio za ubingwa msimu huu," ni kauli aliyoitoa Dk Msolla hivi karibuni
Hata hivyo wachezaji wote ni wakigeni, ni wazi Yanga italazimika kuacha nyota watatu wakigeni ili kuzitumia nafasi zao kusajili wapya
Kutegemeana na mikataba yao, baadhi ya wachezaji hasa wale ambao wamekuwa na mchango mdogo wanaweza kupewa mkono wa kwaheri
Habari njema ni kuwa katika mikataba ambayo walisaini, inaelezwa kulikuwa na kipengele cha kupima mwenendo na mchango wao kwenye timu
Mikataba inaweza kupitiwa na kama Yanga haitaridhishwa na kiwango walichoonyesha, wanaweza kuachwa
Pengine kipengele hicho kitaipa ahueni Yanga kulipa pesa nyingi ikitokea inahitaji kuvunja mikataba ya baadhi ya nyota ambao wameshindwa kutamba
Wachezaji 10 wa kigeni waliosajiliwa na Yanga msimu huu ni Farouk Shikhalo, Mustafa Suleyman, Lamine Moro, Papy Tshishimbi, Issa Bigirimana, Patrick Sibomana, Sadney Urikhob, Juma Balinya, Maybin Kalengo na David Molinga
Shikhalo, Lamine, Sibomana, Tshishimbi, Sadney na Molinga hawa wamekuwa na mchango mkubwa kwenye kikosi cha Yanga kwa maana kwamba wametumika zaidi
Balinya alianza vizuri lakini baadae akapoteza namba katika kikosi cha Zahera jambo ambalo mashabiki walihoji mara kadhaa kwa nini mchezaji huyo hakuwa akipewa nafasi
Mustafa Suleyman na Issa Bigirimana wameshindwa kutamba wakati Kalengo alipata nafasi mara chache lakini majeraha ya kuvunjika mguu aliyopata hivi karibuni yatamfanya akae nje kwa muda mrefu
