Yanga yapokelewa kwa shangwe Nanyumbu

Kikosi cha Yanga bado kiko mkoani Mtwara, kikifanya ziara kuwasalimia wanachama na mashabiki wake

Baada ya mchezo dhidi ya Ndanda Fc, ligi imesimama kupisha michezo ya Kimataifa ambapo itaendelea tena Novemba 20 kwa Yanga kuikabili KMC katika mchezo ambao utapigwa uwanja wa Uhuru

Wakati kocha Charles Mkwasa akiwa ametoa mapumziko ya siku tano kwa wachezaji wake, uongozi wa timu hiyo umeamua kufanya ziara ya siku mbili huko Mtwara

Jana jioni Yanga ilitua Wilayani Nanyumbu na kupokelewa kwa shangwe na mashabiki wake

Leo inatarajiwa kucheza mchezo wa kirafiki dhidi ya Nanyumbu Combine

Yanga ni timu ya Wananchi, ziara hii inathibitisha kauli hiyo kwani wananchi wa Nanyumbu wamefurajia ujio wa Yanga wilayani kwao