Mkwasa 'alivyoteta' na wachezaji kabla ya kuanza mazoezi

Kikosi cha Yanga leo kinajifua uwanja wa Nangwanda Sijaona kabla ya kuikabili Ndanda Fc kwenye uwanja huo hapo kesho

Kabla ya kuanza mazoezi mapema leo, kocha Charles Mkwasa alifanya kikao na wachezaji wake

Ni katika jitihada za kuiweka timu sawa hasa baada ya tukio la kuvunjwa kwa benchi la ufundi ambalo baadhi ya wachezaji hawakuwa na taarifa nalo

Mkwasa anafahamu umuhimu wa timu kupata ushindi katika mchezo wa kesho

Presha kubwa ya mashabiki kwa uongozi baada ya kutoridhishwa na mwenendo wa timu chini ya Zahera ilipelekea mabadiliko ya benchi la ufundi

Jambo hilo linaweza kutokea tena kama timu itashindwa kufanya vizuri hata baada ya mabadiliko hayo