Kaimu kocha Mkuu wa Yanga Charles Boniface Mkwasa amepokewa kwa shangwe na mashabiki wa timu hiyo mkoani Mtwara
Kikosi cha Yanga kimewasili mapema leo Mtwara tayari kwa mchezo wa ligi kuu ya Vodacom dhidi ya Ndanda Fc
Mchezo huo utapigwa katika uwanja wa Nangwanda Sijaona, keshokutwa Ijumaa, Novemba 08 2019
Baada ya timu kuwasili Hotelini mashabiki walilipuka kwa furaha baada ya kumuona Mkwasa akishuka kutoka kwenye basi
"Mkwasa.. Mkwasa.. tuna imani na wewe baba," walisikika mashabiki wakiimba huku wengine wakimpongeza na kumpa mkono
Mkwasa amekabidhiwa majukumu ya kuinoa Yanga baada ya Kamati ya Utendaji kulivunja benchi la ufundi lililokuwa likiongozwa na kocha Mwinyi Zahera
Ataiongoza Yanga wakati uongozi wa timu hiyo ukiendelea na mchakato wa kumpata kocha mpya
