Ukarabati wa Kaunda washika kasi

Ukarabati wa uwanja wa Yanga, Kaunda unaendelea ambapo sasa zoezi la kumwaga vifusi vya mchanga linaendelea.

Wakandarasi wanaokarabati uwanja huo wameihakikishia Yanga kuwa hadi kufika mwanzoni mwa mwaka 2018 ukarabati utakuwa umekamilika na uwanja utakuwa tayari kutumika.



Uwanja huo ukikamilika utaiwezesha Yanga kuondokana na gharama za viwanja vya kukodi kwa ajili ya mazoezi.

Aidha uwanja wa Kaunda kitakuwa chanzo cha mapato ya klabu ambapo mashabiki wataweza kuichangia klabu yao kwa kulipa viingilio kushuhudia mazoezi ya Yanga.

Hivi karibuni Katibu Mkuu wa Yanga Charles Mkwasa alisema pia klabu yake inakusudia kuutumia uwanja huo katika michezo yake ya nyumbani katika ligi kuu ya Vodacom.

"Tuna eneo takriban ekari 9 tuna kiwanja kikubwa cha kuweza kubeba watu Kama elfu 15 hadi 20, tutaweka proposal na kuweka wazi kwa wadau mbalimbali ambao watakuwa tayari kufanya kazi na sisi na kutuwezesha kujenga uwanja ambao tunaweza kuutumia kwa mechi za Ligi Kama uwanja wetu wa nyumbani, uwanja wa timu za watoto na pia eneo la biashara kwa ajili ya uwekezaji utakaosaidia Klabu kuongeza mapato yake "