Aliyekuwa kocha wa makipa Yanga Juma Pondamali ana maneno mengi sana
Baada ya benchi lote la ufundi kufutwa kazi hapo jana, Pondamali amesema alijiondoa mapema baada ya kuona hawataweza kufikia matarajio ya wengi
Mkongwe huyo amebainisha kuwa baada ya Wanayanga kujitoa nchi nzima kuichangia timu yao, alifahamu msimu huu hakuna ambaye ataelewa kama timu itafungwa au kukosa ubingwa
"Mimi sijafukuzwa na mtu yeyote Yanga, mwenyewe niliangalia tu kabla ya ligi haijaanza, mazingira yakaniambia lazima nitoke," Pondamali ameiambia Azam TV
"Kwani kwa kuchangiwa na nchi nzima sijawahi kuona hiki kitu duniani"
"Mashabiki watataka timu ichukue ubingwa na lazima ipige mpira mkubwa ambao duniani haujaonekana..."
"Akili yangu ikanituma, nikaona hapa patakuwa moto nikajiengua haraka sana"
Nafasi ya Pondamali ilichukuliwa na Peter Manyika ambaye yeye sio miongoni mwa waliovunjiwa mikataba jana
