Mmoja wa wachezaji ambao watakuwa na furaha baada ya kocha Mwinyi Zahera kuondoshwa Yanga, ni Juma Balinya
Chini ya Zahera Balinya alikuwa na wakati mgumu kupata nafasi kwenye kikosi cha kwanza pamoja na kuanza vyema wakati wa maandalizi ya msimu timu ilipokuwa chini ya Noel Mwandila mkoani Morogoro
Kwa nyakati tofauti Balinya alibainisha waziwazi kuwa Zahera alikuwa 'akimbania'
Chapisho aliloweka Balinya kwenye ukurasa wake wa Instagram baada ya Zahera kuondolewa Yanga
Wakati akiwa Polisi Fc ya Uganda msimu uliopita ambao aliibuka kuwa mfungaji bora wa ligi ya nchi hiyo, Balinya alikuwa akicheza namba tisa au kumi
Lakini mechi za karibuni, Zahera alimpa dakika chache huku akimtumia kama winga isipokuwa mchezo wa juzi dhidi ya Pyramids Fc
Inaelezwa uamuzi wa kumuondoa Zahera ulikuwa hauepukiki kwani sio Balinya tu, baadhi ya wachezaji hasa wapya walishindwa kuelewa mbinu zake
Balinya hatalisahau tukio lililomtokea mkoani Mwanza pale alipoachwa nje kwenye kikosi kilichopaswa kuikabili Pyramids Fc
Mshambuliaji huyo aliongezwa kikosini baada ya kelele za mashabiki na baadhi ya viongozi kuhoji kwa nini yuko nje wakati timu ina wachezaji pungufu
Anaanza maisha mapya chini ya kocha mpya, pengine mambo yatamnyookea sasa
