Mchezo wa marudiano kombe la Shirikisho kati ya Pyramids Fc dhidi ya Yanga utapigwa keshokutwa Jumapili, Novemba 03 kwenye uwanja wa June 30, ukipangwa kupigwa saa tatu usiku kwa saa za Tanzania
Yanga wataingia kwenye mchezo huo wakiwa na kumbukumbu ya kufungwa mabao 2-1 nyumbani hivyo wanafahamu ni mchezo ambao wanahitaji kushinda sio chini ya mabao mawili
Wachezaji wa Yanga wameapa kuwa watapigana kwa dakika zote tisini ili kuhakikisha wanapata matokeo yatakayowapeleka makundi
Nahodha Msaidizi wa Yanga Juma Abdul, amesema kama Pyramids waliwafunga hapa Tanzania basi nao watahakikisha wanapata ushindi ugenini
Kama Yanga itafanikiwa kuwaondoa Pyramids Fc na kutinga makundi, watajihakikishia kitita cha Tsh Milioni 130 zilizotolewa ahadi na kampuni ya GSM (Mil 30) na kocha Mwinyi Zahera (Mil 100)
