Wengi wamehoji kwa nini kocha Mwinyi Zahera hampi nafasi mshambuliaji Juma Balinya?
Mara kadhaa Zahera ametoa ufafanuzi kuwa mshambuliaji huyo ameongezeka uzito, ameshuka kiwango na anampa program maalum ili kumrejeshea makali yake
Hata hivyo kwenye mchezo dhidi ya Pyramids Fc ambao Yanga ilipoteza kwa kufungwa mabao 2-1 jijini Mwanza, kuingia kwa Balinya, Sibomana na Kaseke kuliongeza kasi ya mashambulizi na kuiwezesha Yanga kupata bao kupitia kwa Papy Tshishimbi kwenye dakika ya 88
Kwenye mchezo huo, awali Balinya hakuwa kwenye kikosi cha mechi hiyo lakini jina lake likaongezwa baadae
Zahera amesema mchezo wa Misri, watacheza tofauti na vile walivyocheza Mwanza
Wengi wanasubiri kumuona Balinya akianza na Sadney pale mbele huku Sibomana akichukua nafasi ya Ngasa ambaye anaonekana mechi kubwa zimekuwa changamoto kwake
Baada ya mchezo dhidi ya Pyramids, Balinya alisisitiza kuwa yuko timamu kiafya, yuko tayari kuipigani Yanga ili iweze kufanya vizuri
