Ukiachana na wachache wanaovamia kwa lengo la kuvuruga, kwa kiasi kikubwa Wanajangwani tumekuwa wastaarabu na ndio utaratibu
Tuliweka humu ukurasa wa Mijadala ili Wanayanga wenye mawazo, maoni, madukuduku na hata mapendekezo wayatoe
Wasichofahamu wengi, maoni mazuri mengi huwa yanafanyiwa kazi kwa kuwa wahusika wako humu
Tulitaka tujitofautishe na kule Facebook au Instagram ambako mtu unaweza kuandika chochote, ukamtukana au kumkashifu yeyote
Mwanajangwani uko huru kuandika maoni yako bila ya kumtukana au kumkashifu mtu
Unaweza kuwa umeandika kitu kizuri lakini ndani ukijaza matusi, kashfa, mijadala ya aina hiyo itakuwa ikifutwa na baadae kama utaendelea kuandika utazuiwa kupost chochote
Wanajangwani tumekuwa wastaarabu, lengo ketu ni moja hatuna sababu ya kuwatukana viongozi wa timu pale inapotokea timu haifanyi vizuri
Toa ushauri, toa maoni, toa mapendekezo, kosoa vizuri bila kutukana au kukejeli wengine, huo ndio utaratibu mzuri wa kuijenga Yanga
