Nahodha wa Yanga Papy Tshishimbi ameeleza kufurahishwa na mapokezi waliyopewa na mashabiki wa timu hiyo mkoani Mwanza ambapo amewataka wajitokeze kwa wingi kwenye mchezo dhidi ya Pyramids Fc siku ya Jumapili
Aidha Tshishimbi amezungumzia maandalizi ya timu kuelekea mchezo huo unaosubiriwa kwa hamu na mashabiki wa soka nchini
"Upande wetu wachezaji pamoja na benchi la ufundi maandalizi yetu yanaendelea vizuri..Mashabiki wa Mwanza wametupokea vizuri, mambo yote yanakwenda sawasawa," amesema
"Nawakaribisha mashabiki waungane nasi Jumapili, waendelee kutuunga mkono na kutupa moyo ili tuweze kushinda mchezo huo"
Yanga ilitua Mwanza Jumamosi iliyopita ambapo juzi Jumanne ilifanikiwa kuichapa Mbao Fc bao 1-0 kwenye mchezo wa ligi kuu
Mabingwa hao wa kihistoria wamepania kupata ushindi dhidi ya Pyramids Fc kwenye mchezo wa kwanza utakaopigwa Oktoba 27
Timu hizo zitarudiana nchini Misri Novemba 02
