Bigirimana aongezwa kikosini Yanga

Kiungo mshambuliaji Issa Bigirimana leo anatarajiwa kuungana na kikosi cha Yanga jijini Mwanza kinachoendelea na maandalizi ya mchezo wa ligi kuu dhidi ya Mbao Fc ambao utapigwa kesho Jumanne kwenye uwanja wa CCM Kirumba na mchezo wa kombe la Shirikisho dhidi ya Pyramids FC ambao utapigwa Oktoba 27

Bigirimana na Mohammed Issa 'Banka' waliachwa jijini Dar es salaam wakiendelea na program maalum za mazoezi ili kupona majeraha yao

Hata hivyo inaelezwa hali ya Bigirimana imeimarika na madaktari wameshauri anaweza kujumuishwa kwenye kikosi cha kwanza

Bigirimana amekuwa akikabiliwa na majeraha ya mara kwa mara jambo lililomfanya ashindwe kucheza mchezo wowote wa kimashindano tangu alipojiunga na Yanga