Uongozi wa klabu ya Yanga umeeleza kufanya jitihada kukabiliana na changamoto ya majeruhi iliyoikabili timu hiyo siku za karibuni
Akizungumza na waandishi wa habari mapema leo, Makamu Mwenyekiti wa Yanga Fredrick Mwakalebela amesema walilazimika kuongeza madaktari wa kuwahudumia wachezaji hao ili kuhakikisha wanarejea kikosini haraka
"Mpaka sasa wachezaji ambao bado hali zao hazijaimarika ni wawili tu Issa Bigirimana na Mohammed Issa 'Banka' ambao wanaendelea na mazoezi mepesi," amesema
"Uongozi umefanya jitihada kwa kuongeza madaktari kwenye benchi lake ili kumaliza changamoto hiyo"
"Timu inaelekea mkoani Mwanza kesho ikiwa na wachezaji 24, wachezaji wawili walio timu ya Taifa wataungana nasi jijini Mwanza baada ya mchezo wa Stars dhidi ya Sudan ambao unapigwa leo"
"Hivyo tutakuwa na wachezaji 26 Mwanza"
