Uongozi wa klabu ya Yanga kwa kushirikiana na kampuni ya Selcom watarudisha viingilio kwa mashabiki waliokata tiketi kushuhudia mchezo wa kirafiki kati ya Yanga dhidi ya Pan African uliokuwa upigwe leo kwenye uwanja wa Uhuru
Mchezo huo haukufanyika baada ya uwanja wa Uhuru kujaa maji kutokana na mvua zinazoendelea kunyesha jijini Dar es salaam
Afisa Habari wa Yanga Hassan Bumbuli amesema tukio hilo lilikuwa nje ya uwezo wao, amewashukuru mashabiki waliojitokeza kushuhudia mchezo huo
"Tunawashukuru mashabiki wengi waliokuja uwanjani, tulitamani mchezo uchezwe lakini isingewezekana kutokana na hali halisi ya uwanja"
"Tutazungumza na wenzetu (Selcom) kuona utaratibu mzuri wa kuwarudishia viingilio nashabiki wenye tiketi"
"Mchezo hauwezi kufanyika kipindi hiki kwani wenzetu Pan African wanaelekea Dodoma kwa ajili ya mchezo wa ligi daraja la kwanza wakati sisi tunajiandaa kuelekea jijini Mwanza," amesema Bumbuli
