Tshishimbi anaamini Pyramids Fc wanakufa CCM Kirumba

Nahodha wa Yanga Papy Kabamba Tshishimbi amerejea kikosini baada ya kupona maradhi yaliyokuwa yakimsumbua

Kiungo huyo raia wa DRC amesema pamoja na kufahamu ubora wa mpinzani wao Pyramids Fc, wanaweza kupata ushindi mchezo wao wa kwanza jijini Mwanza

"Tunafahamu wapinzani wetu wako vizuri ndani ya uwanja na hata kiuchumi lakini tuna faida ya kutumia uwanja wa nyumbani"

"Naamini kila mmoja akitimiza wajibu wake tunaweza kufanya vizuri. Muhimu tunaomba mashabiki watuunge mkono, sote tuunganishe nguvu kuhakikisha tunapata matokeo," amesema

Yanga inahitaji matokeo ya ushindi kwenye mchezo huo wa kwanza utakaopigwa uwanja wa CCM Kirumba Oktoba 27

Mara nyingi sio rahisi kuwafunga waarabu wanapokuwa kwao hivyo ushindi wa nyumbani ni jambo la lazima