Viongozi wa Matawi kukutana na uongozi wa Yanga

Viongozi wa Matawi ya klabu ya Yanga nchi nzima wameomba kukutana na uongozi wa klabu hiyo ili kuweka mikakati ya mafanikio msimu huu

Afisa Habari wa Yanga Hassan Bumbuli amesema Mkutano huo utafanyika wiki ijayo jijini Dar es salaam

Katika hatua nyingine, Bumbuli amewataka wanachana wa klabu hiyo kufuata utaratibu kwa mujibu wa Katiba ya Yanga ili kupata taarifa za klabu kuliko kwenda kuhoji kwenye vyombo vya habari

"Watu wanakwenda kwenye redio kuhoji mikataba ya Yanga wakati kwa mujibu wa Katiba wanaweza kufika Makao Makuu ya klabu na wakaonyeshwa mikataba hiyo"

"Tunawakumbusha Wanachama wetu, ni muhimu wakafuata utaratibu, kwani kuendelea kufanya hivyo kunaashiria hawana nia njema na Yanga," Bumbuli aliwaambia waandishi wa habari jana