Wakati droo ya hatua ya mtoani kombe la Shirikisho ikitarajiwa kufanyika leo nchini Misri, kocha Mkuu wa Yanga Mwinyi Zahera amesema timu yake iko tayari kucheza na timu yoyote watakayo pangwa nayo
Zahera aliyerejea Congo kutimiza majukumu ya timu ya Taifa, amesema soka la Afrika limebadilika kulinganisha na miaka ya nyuma kwa kuwa viwango vya wachezaji vinafanana
Amesema baada ya kutolewa kwenye michuano ya ligi ya mabingwa, hesabu zake ni kuhakikisha wanatinga makundi kombe la Shirikisho
Zahera amesema amejifunza mambo mengi kutokana na kutolewa kwenye Ligi ya Mabingwa Afrika, na kwamba atarekebisha makosa waliyoyafanya ili yasijitokeze Kombe la Shirikisho
Timu za waarabu hasa Misri zimekuwa zikiipa changamoto Yanga kwenye michuano ya Kimataifa
Pyramids Fc ya Misri na Paradou AC ya Algeria ni miongoni mwa timu zinazoweza kupangwa na Yanga leo
Nyingine ni ESAE ya Benin, DC Motema Pembe (DRC), FC San Pedro (Ivory Coast), Bandari (Kenya), Bidvest Wits (Afrika Kusini), TS Galaxy (Afrika Kusini), Proline (Uganda) ama Triangle United ya Zimbabwe.
