Droo ya makundi ya michuano ya ligi ya mabingwa pamoja na hatua ya mtoano kombe la Shirikisho, inafanyika leo jijini Cairo, Misri
Baada ya kukamilika kwa raundi ya kwanza ya michuano ya ligi ya mabingwa, timu 15 zilifuzu makundi huku mchezo kati ya Zamalek dhidi ya Generation Foot ukiamuliwa kuchezwa upya
Generation Foot ya Senegal iligoma kucheza mechi ya marudiano nchini Misri baada ya Zamalek kubadili uwanja ambao mchezo huo ulipangwa kuchezwa awali wakati yakibaki masaa 24 kabla ya mchezo kupigwa
Generation Foot ilishinda mabao 2-1 kwenye mchezo wa kwanza uliopigwa Senegal. Timu hizo zitarudiana Oktoba 24 nchini Misri
Mpangilio wa timu kuelekea droo:
Pot 1: Esperance (Tunisia), TP Mazembe (DRC), Wydad (Morocco), Al Ahly (Egypt)
Pot 2: Sundowns (SA), Etoile du Sahel (Tunisia), Zamalek (Egypt) / Generation Foot (Senegal), USM Alger (Algeria)
Pot 3: Raja Casablanca (Morocco), Zesco (Zambia), AS Vita (DR Congo), Al Hilal (Sudan)
Pot 4: Primeiro (Angola), FC Platinum (Zim), Petro Luanda (Angola), JS Kabylie (Algeria)
Wakati droo hiyo ikikamilishwa baadae, droo nyingine itahusu michuano ya kombe la Shirikisho ambayo Yanga itashiriki
Droo hiyo ni ya hatua ya mtoano kusaka nafasi ya kucheza makundi
Yanga ni miongoni mwa timu 32 ambazo zitapangwa kucheza mechi mbili za mtoano (nyumbani na ugenini) na mshindi wa jumla kutinga makundi
