Wachezaji Yanga wapewa mapumziko ya siku tatu

Uongozi wa klabu ya Yanga umewapa siku tatu za mapumziko wachezaji wa timu hiyo baada ya mchezo dhidi ya Coastal Union

Afisa habari wa Yanga Hassan Bumbuli amesema timu itarejea kuanza mazoezi Oktoba 09 kujiandaa na mchezo wa ligi kuu dhidi ya Alliance Fc ambao utapigwa Oktoba 22 kwenye uwanja wa CCM Kirumba

Katika hatua nyingine, Bumbuli amesema kocha Mkuu Mwinyi Zahera anaondoka nchini kuelekea DR Congo kuiongoza timu ya Taifa ya nchi hiyo katika michezo miwili ya Kimataifa ya kirafiki

Zahera anatarajiwa kurejea Oktoba 19 kuendelea na majukumu yake katika kikosi cha Yanga