Ushindi wa jana dhidi ya Coastal Union ulikuwa ni mwanzo tu, kampuni ya GSM imeahidi kuendeleza utaratibu wa kununua alama tatu ambazo Yanga itakusanya kwenye kila mchezo wa ligi
Akizungumza jana wakati wakikabidhi kitita cha Tsh Milioni 10 baada ya Yanga kuifunga Coastal Union bao 1-0, mwakilishi wa GSM Injinia Said, alisema wao ni sehemu ya familia ya Yanga hivyo matokeo yoyote ambayo timu hiyo inapata, yanawahusu
"Sisi kama GSM ni sehemu ya familia ya Yanga SC, Matokeo mazuri ni furaha kwetu na yakiwa mabaya ni masikitiko yetu pia," alisema
"Tumeona licha ya kuwa sisi ni wadhamini pia tunaweza kufanya kitu kingine ambacho kikawa chachu , nakabidhi pesa milioni 10 kufuatia ushindi wa leo na naahidi kuanzia leo tutakuwa na utaratibu wa kununua alama tatu"
Nahodha Msaidizi wa Yanga Juma Abdul alipokea fedha hizo kwa niaba ya wachezaji
