Wanne Yanga kuikosa Coastal Union

Beki kisiki Lamine Moro huenda akaukosa mchezo wa ligi kuu leo dhidi ya Coastal Union baada ya kupata majeraha katika mchezo dhidi ya Polisi Tanzania Alhamisi

Pamoja na Lamine wengine ambao watakosekana leo ni Patrick Sibomana, Mohammed Issa 'Banka' na nahodha Papy Tshishimbi ambaye ni mgonjwa

Kocha Mwinyi Zahera huenda akamrejesha Ally Mtoni kucheza safu ya ulinzi wa kati sambamba na Kelvin Yondani na pengine akampa nafasi ya Muharami Issa 'Maecelo' kucheza namba tatu

Lakini pia yupo Ally Ally ambaye anaweza kucheza sambamba na Yondani

Yanga inasaka ushindi wake wa kwanza ligi kuu ya Vodacom baada ya Alhamisi kulazimishwa sare ya mabao 3-3 na Polisi Tanzania