Kocha Mkuu wa Yanga Mwinyi Zahera kesho ataishuhudia timu yake akiwa jukwaani wakati itakapokuwa ikiikabili Polisi Tanzania
Afisa Habari wa Yanga Hassan Bumbuli amesema Zahera kesho ataanza kutumikia adhabu ya kufungiwa mechi tatu
Akizungumza na waandishi wa habari leo, Bumbuli amesema Zahera pia atakosa mchezo wa Jumapili dhidi ya Coastal Union
Zahera alifungiwa michezo mitatu na Bodi ya Ligi baada ya kulalamikia ratiba ya timu yake iliyoshuka dimbani siku moja baada ya kurejea kutoka Botswana
Kuhusu maandalizi ya mchezo, Bumbuli amesema timu iko tayari kwa mchezo huo utakaopigwa uwanja wa Uhuru
Antonio Nugaz, Afisa Uhamasishaji wa Yanga amewataka mashabiki wajitokeze kwa wingi kuiunga mkono timu yao katika mchezo huo ambao matokeo ya ushindi ndio hitaji kuu la Yanga
