Awali Yanga ilipanga kuweka kambi ya muda katika jiji la Lusaka kujiandaa na mchezo wa ligi ya mabingwa dhidi ya Zesco United ambao utapigwa kesho Jumamosi katika uwanja wa Levy Mwanawasa
Hata hivyo kocha Mwinyi Zahera alibadili 'gia angani' na kuagiza kikosi chake kielekee Ndola moja kwa moja baada ya kubaini hali ya hewa na mji huo ni toauti na Lusaka
Kwa sasa mji wa Ndola una hali ya hewa ya baridi inayofikia nyuzi joto 20
Bila shaka siku tatu zitatosha kuwafanya wachezaji wazoee hali hiyo hivyo kuwa na mchezo mzuri hapo kesho
Hali ya hewa ya Zambia haina tofauti na Botswana ambako Yanga iliweza kuichapa Township Rollers katika uwanja wake wa nyumbani
Yanga leo itafanya maandalizi yake ya mwisho kwenye uwanja wa Levy Mwanawasa ambao utatumika kesho
