Aliyekuwa Katibu Mkuu wa Yanga Charles Mkwasa ameteuliwa kuwa Katibu wa Kamati ya Ufundi iliyoteuliwa jana na Mwenyekiti wa Yanga Dk Mshindo Msolla
Kamati hiyo iliyosheheni watu wa mpira, itakuwa ikifanya kazi kwa ukaribu na benchi la ufundi la Yanga linaloongozwa na kocha Mwinyi Zahera
Mkwasa alijiuzulu nafasi ya ukatibu Mkuu wa Yanga baada ya kupata maradhi ya moyo yaliyomlazimu kwenda India kutibiwa
Sasa amerejeshwa tena katika viunga vya Yanga akikabidhiwa majukumu ambayo pengine atakuwa na mchango zaidi kwa kuwa ni taaluma yake
Kamati hiyo itakayoongozwa na Mwenyekiti Salim Rupia na Makamu Mwenyekiti Dominick Albinus, imejumuisha wajumbe kama Kenny Mwaisabula ambaye pia ni kocha
Pia wamo Said Maulid, Ally Mayay, Sekilojo Chambua, Sunday Manara na Abeid Mziba ambao waliwahi kutamba wakiwa wachezaji wa Yanga
Wengine ni Dk Jonas Tiboroha, Ally Msingwa na Kanali Mstaafu Iddi Kipingu
