Beki Andrew Vicent Chikupe bado hajajiunga na kambi ya kikosi cha Yanga kinachojiandaa na mchezo wa marudiano ligi ya mabingwa dhidi ya Zesco United
Mchezo huo utapigwa Jumamosi ijayo, Septemba 28 kwenye uwanja wa Levy Mwanawasa nchini Zambia
Chikupe hajafanya mazoezi kabisa na klabu ya Yanga tangu kuanza kwa msimu huu ikielezwa anashinikiza kulipwa madai yake ya fedha za miaka ya nyuma
Mara kadhaa uongozi wa Yanga umetoa taarifa ya kuwepo kwa majadiliano na mchezaji huyo lakini mpaka sasa hakuonekani kupatikana muafaka
Inatia mashaka kuwa suala lake huenda likaishia kama ilivyokuwa kwa mlinda lango Beno Kakolanya aliyejiunga na Simba baada ya mkataba wake na Yanga kuvunjwa
Kujirudia kwa matukio haya hakuleti picha nzuri kwa taasisi ya Yanga
Busara inafaa itumike ili kumaliza sintofahamu hii ili kuilinda taswira ya Yanga
Kama Chikupe ana madai kweli basi inafaa uongozi wa Yanga ukamalizana nae ili aweze kujiunga na wenzake
Ukizungumzia wachezaji walioipigania Yanga wakati wa 'hali ngumu', Chikupe ni mmoja wao
Ni mchezaji mwenye nidhamu, hakuwahi kugoma wakati wote ambao Yanga ilikuwa ikipita katika nyakati ngumu
Ni jambo jema kuona hata kocha Mwinyi Zahera ametambua mchango wake na kuutaka uongozi wa Yanga umlipe stahiki zake ili aweze kurejea kikosini
