Kiungo Mapinduzi Balama alishindwa kumaliza mchezo wa juzi dhidi ya Zesco baada ya kuumia kwenye dakika ya 75 na nafasi yake kuchukuliwa na Ally Ally
Uongozi wa Yanga umesema Balama anafanyiwa uchunguzi zaidi wa jeraha lake ili atibiwe
Balama alitumika kama beki wa kulia kwenye mchezo huo kutokana na Paulo Godfrey 'Boxer' ambaye hucheza nafasi hiyo kuwa majeruhi
Wakati zikiwa zimesalia siku 10 kuelekea mchezo wa marudiano, Yanga inalazimika kupata mbadala wa wachezaji hao kwani kuna uwezekano mdogo wanaweza kuwa 'fit' kuwahi mchezo wa Zambia
Hii ni nafasi kwa mkongwe Juma Abdul kurejea kikosi cha kwanza nchini Zambia
Baada ya kumaliza msiba wa mama yake, Abdul alirejea katika majukumu yake kabla ya mchezo wa juzi dhidi ya Zesco
Jana alishiriki program ya mazoezi ya Gym
Abdul bado hajacheza mchezo wowote wa kimashindano msimu huu pengine kutoshiriki kwake mazoezi ya mwanzo wa msimu mkoani Morogoro kumechangia
