Kalengo alipokutana na Lwandamina

Juzi mshambuliaji wa Yanga Maybin Kalengo alipata nafasi ya kucheza dhidi ya waajiri wake wa zamani klabu ya Zesco United kwenye mchezo wa ligi ya mabingwa uliomalizika kwa sare ya bao 1-1

Kalengo alitua Yanga kwenye dirisha la usajili uliopita akitokea klabu hiyo aliyoanza kuitumikia akiwa na umri wa miaka 17

Baada ya mchezo, Maybin alipata nafasi ya kumsalimu kocha wake wa zamani George Lwandamina ambaye inaelezwa ndiye aliyetoa ruhusa kwa kinda huyo mwenye umri wa miaka 20 kujiunga na Yanga

Aidha siku hiyo pia dimbani alikabiliana na mjomba wake (ndugu kabisa wa mama yake) Winstone Kalengo ambaye aliingia mwishoni mwa kipindi cha kwanza akiwa amevalia jezi namba 10

Maybin ametoka kwenye familia ya wanasoka maarufu nchini Zambia