Kocha Mkuu wa Yanga Mwinyi Zahera leo amefanya mabadiliko madogo ya kikosi chake kinachoikabili ZESCO United kwenye mchezo wa ligi ya mabingwa
Ili kuhakikisha timu inakuwa imara katika kushambulia na kujilinda, Zahera amewaanzisha pamoja viungo Feisal Salum, Mohammed Issa, Abdulaziz Makame na Papy Tshishimbi
Aidha Mapinduzi Balama ameaminiwa kuanza nafasi ya ulinzi wa kulia kama ilivyokuwa kwenye mechi mbili za kirafiki ambazo Yanga ilicheza jijini Mwanza
Pia amemuanzisha Sadney kama mshambuliaji wa kati ambaye atasaidiwa na Papy Tshishimbi atakayecheza namba 10
Patrick Sibomana atashambulia akitokea upande wa kushoto kama ilivyo kawaida yake
Juma Balinya leo ameanzia benchi
Yanga inahitaji kushinda mchezo wa leo ili kujiweka katika nafasi nzuri ya kutinga hatua ya makundi
