Mlinda lango Farouk Shikalo amepata leseni ya CAF ambayo itampa nafasi kuwa sehemu ya kikosi cha Yanga kitakachoikabili ZESCO United kwenye mchezo wa ligi ya mabingwa kesho
Hata hivyo Shikalo ameingia kikosini wakati ambao Metacha Mnata anafanya vizuri
Metacha alidaka mechi zote mbili za hatua ya awali dhidi ya Township Rollers
Kwenye mchezo wa marudiano uliopigwa nchini Botswana, Metacha alifanya kazi kubwa kuhakikisha Yanga inasonga mbele
Tukio muhimu alilofanya kwenye mchezo huo ni kuokoa mkwaju wa penati
Metacha anaonyesha kujiamini, michezo hiyo imemuimarisha sana, ana kila sababu ya kuaminiwa na benchi la ufundi kuanza kwenye mchezo wa kesho
Jambo muhimu zaidi ni kuwa sasa Yanga ina amani kwenye eneo la ulinzi wa lango
Mlinda lango atakayepewa nafasi kesho, bila shaka atatimiza wajibu wake kikamilifu
