Mchezo wa kirafiki kati ya Pamba dhidi ya Yanga uliopigwa uwanja wa CCM Kirumba, umamalizika kwa timu hizo kutoka sare ya bao 1-1
Pamba walipata bao la kuongoza kwenye dakika ya 30 kupitia kwa Saada Kipanga
Mcongomani David Molinga 'Falcao' leo amefungua akaunti ya mabao kunako klabu ya Yanga baada ya kuisawazishia kwenye dakika ya 90
Awali Molinga alifunga bao ambalo lilikataliwa na mwamuzi kwa kuwa alikuwa ameotea
Tangu mwanzo wa mchezo huo, Molinga alionekana kuwa na shauku ya kupachika bao, hata hivyo majaribio yake mengi yaliokolewa na mlinda lango wa Pamba FC
Pamba ilimaliza mchezo huo ikiwa na wachezaji 10 uwanjani baada ya kiungo Hamis Thabit kutolewa nje kwa kadi nyekundu baada ya kumpiga ngumi Feisal Salum pale wachezaji hao walipotofautiana
Pamba walionyesha upinzani mkali kwa Yanga kwenye kipindi cha kwanza lakini Yanga ikauchukua mchezo kwenye kipindi cha pili
Washambuliaji walikosa umakini katika kumalizia nafasi nyingi zilizotengenezwa
