Hili la Zahera kupewa mechi tatu halina ukweli wowote

Wakati Yanga ikijiandaa na mchezo wa raundi ya kwanza ligi ya mabingwa dhidi ya ZESCO United ambao utapigwa Septemba 14, kuna vyombo vya habari vinaonekana kutumia nguvu kubwa  kutengeneza taarifa za kuwachanganya Wanayanga

Moja ya magazeti ya jana (Jumapili), liliripoti kuwa uongozi wa Yanga umempa kocha Mwinyi Zahera mechi tatu ambazo kama hakufanya vizuri atafukuzwa

Yanga imezikana taarifa hizo na kusisitiza kuwa hazina ukweli wowote

Mwenyekiti wa Yanga Dk Mshindo Msolla amesema hakuna jambo hilo na taarifa hiyo ipuuzwe

Mwenyekiti wa Kamati ya Mashindano Yanga, Rodgers Gumbo ameeleza kushangazwa na taarifa hizo

"Sisi kama viongozi hatuna taarifa hizo eti tumempa kocha mechi tatu ambazo asiposhinda tunamfukuza, ni uongo"