Shikalo, Mustafa, Molinga wapata vibali CAF

Wachezaji watatu waliokosa mchezo wa hatua ya awali ligi ya mabingwa, Farouk Shikalo, Mustapha Suleyman na David Molinga wanaweza kuivaa ZESCO United

Imefahamika Shirikisho la soka Barani Afrika (CAF) tayari limetoa vibali kuwaruhusu wachezaji hao kushiriki ligi ya mabingwa

Nyota wote jana walicheza kwa dakika zote 90 mchezo wa ligi kuu dhidi ya Ruvu Shooting, Yanga ikipoteza kwa kufungwa bao 1-0

Hii ni habari njema kwa kocha Mwinyi Zahera ambaye ana wiki mbili za kukiandaa kikosi chake kabla ya mchezo wa kwanza utakaopigwa jijini Dar es salaam kati ya Septemba 12-15