Mabingwa wa kihistoria Tanzania, Yanga leo mishale ya saa 10 jioni watashuka kwenye uwanja wa Uhuru kuikabili Ruvu Shooting ukiwa ni mchezo wa kwanza wa ligi kuu ya Vodacom msimu huu
Baada ya kufanikiwa kutinga raundi ya kwanza ya michuano ya ligi ya mabingwa, Yanga imejipania kupata ushindi wa kwanza leo kwenye ligi
Umuhimu wa mchezo huo ulizungumzwa na kocha Mwinyi Zahera jana ambapo aliwataka wachezaji wake wahakikishe wanaondoka na alama zote tatu
Viingilio vya mchezo huo VIP ni Tsh 15,000/- na Mzunguuko ni Tsh 5,000/-
Kutokana na umuhimu wake, Zahera hatarajiwi kufanya mabadiliko makubwa ya kikosi ambacho kilipata ushindi wa bao 1-0 dhidi ya Township Rollers mwishoni mwa wiki
Ni wachezaji wawili pekee, Mohammed Issa 'Banka' na Paulo Godfrey 'Boxer' ambao uongozi wa timu hiyo umethibitisha hawatacheza leo kutokana na majeruhi
