Beki Mghana Lamine Moro alijihakikishia namba mapema sana kwenye kikosi cha kwanza cha kocha Mwinyi Zahera
Zahera alimleta Lamine sio kwa bahati mbaya, bali alikuwa akimfahamu vizuri kwani alimfundisha kwa muda mfupi katika klabu ya Buildcon ya Zambia
Mapema mwaka huu alikuja kufanya majaribio kunako klabu ya Simba na baadae akaondoka baada ya kushindwa kufikia makubaliano nao, ingawa mashabiki wa Simba waliaminishwa kuwa hakufuzu majaribio
Mpaka sasa hakuna mwenye mashaka na ubora wake, ni beki anayefahamu vyema majukumu yake
Wakati wote uwanjani yuko sehemu sahihi akitimiza wajibu wake
Ni beki kiongozi ambaye hachoki kuwahamasisha wenzake kusaka matokeo. Jana alionyesha mfano
Aliokoa moja ya mashambulizi hatari la Rollers ambalo lilikuwa likielekea kimiani
Sidhani kwa Tanzania kama kuna mshambuliaji anayeweza kumsumbua mwamba huyu mrefu mwenye mwili wa kazi na nguvu za kupambana
Ukuta anaotengeneza na Yondani, ni ukuta wa chuma...!
