Mchezo wa ligi ya mabingwa kati ya Township Rollers dhidi ya Yanga utakaopigwa Jumamosi August 24 uwanja wa Taifa, Botswana umeendelea kuwa gumzo
Baada ya Yanga kuwasili mapema nchini Botwana huku wakijifua chini ya ulinzi mkali kukwepa hujuma, inaelezwa Rollers wameingia mchecheto ambapo sasa wamekimbilia kwa mashabiki wao kuwahamasisha wajitokeze kwa wingi kuwapa nguvu keshokutwa
Mchezo huo utapigwa katika uwanja wao wa Taifa baada ya CAF kugoma kuupeleka kwenye uwanja mdogo ambao Rollers huwa wanautumia
Sasa Rollers wamekuja na mpango wa kuwashawishi mashabiki kuujaza uwanja huo wa Taifa
Licha ya kuweka viingilio vidogo (Kiingilio cha juu ni Tsh 10,000/- na cha chini ni Tsh 2,000/-), Rollers wameahidi uwanjani kutakuwa na burudani mbalimbali ikiwa ni pamoja na pombe!
"Katika mchezo huo Jumamosi hii, mbali ya soka la kiwango cha juu na la kuvutia, pia kutakuwa na burudani ya muziki na pombe za ‘kumwaga’ uwanjani," ilisomeka taarifa ya kuwahamasisha mashabiki iliyotolewa na Rollers
Mshindi wa mchezo huo atajihakikishia kutinga raundi ya kwanza ya michuano ya ligi ya mabingwa
Yanga inahitaji ushindi au sare ya kuanzia mabao mawili wakati Rollers wanahitaji ushindi au suluhu ya bila kufungana
