Nahodha wa Yanga Papy Tshishimbi amesema wanajiandaa kikamilifu kupata ushindi kwenye mchezo wa marudiano ligi ya mabingwa dhidi ya Township Rollers ambao utapigwa Jumamosi August 24
Baada ya kulazimishwa sare ya bao 1-1 kwenye mchezo wa kwanza uliopigwa uwanja wa Taifa, Tshishimbi amesema wanahitaji kufunga mabao ugenini
"Sisi tumejiandaa kupata ushindi Jumamosi, najua mchezo utakuwa mgumu lakini tutawafunga," amesema
"Hatukupanga kuruhusu bao nyumbani, Mwalimu ametuambia na sisi lazima tufunge mabao mapema ili tuweze kushinda"
"Nawaambia mashabiki wote wa Yanga watuunge mkono kwa kutuombea ili tuweze kushinda"
Kwenye mchezo huo Yanga ni lazima ifunge angalau mabao mawili ili kujihakikishia nafasi ya kusonga mbele hatua inayofuata
Mabingwa hao wa kihistoria wako Botswana tangu jana wakiendelea kujifua yakiwa ni maandalizi ya mwisho kuelekea mchezo huo ambao mshindi atatinga raundi ya kwanza
