Uwanja wa Kaunda waanza kukarabatiwa

Uongozi wa Yanga leo umetoa taarifa kuwa uwanja wa Kaunda unaomilikiwa na klabu hiyo umeanza kufanyiwa ukarabati.

Akizungumza na waandishi wa habari leo, Afisa Habari wa Yanga Dismas Ten amesema zoezi la ukarabati wa uwanja huo likikamilika, Yanga itaweza kuutumia kwa ajili ya mazoezi.

Aidha Ten amesema mahitaji ya vifusi vya mchanga ni makubwa na hivyo amewataka wapenzi na wanachama wa Yanga wanaoweza kusaidia mchanga kufika makao makuu ya klabu.

Pia amewakaribisha Jangwani wale wanaopenda kuona maendeleo ya ukarabati wa uwanja huo.