Beki Ally Ally aliondolewa kwenye kikosi kilichosafiri jana kwenda Afrika Kusini kutokana na kusumbuliwa na maumivu ya goti
Ally aliumia kwenye mchezo wa kirafiki kati ya Polisi Tanzania dhidi ya Yanga ambao ulipigwa uwanja wa Ushirika Moshi
Yanga ilipoteza mchezo huo kwa kufungwa mabao 2-0
Ally aliyetua Yanga usajili wa msimu huu akitokea KMC, amesema alitamani kuwa sehemu ya kikosi kitakachoikabili Township Rollers Jumamosi
Hata hivyo ana imani kuwa wachezaji waliosafiri watafanikiwa kuibeba Yanga ugenini
Ally Ally alicheza mchezo wa kwanza uliopigwa uwanja wa Taifa ambao ulimalizika kwa sare ya bao 1-1
Kwenye mchezo huo aliingia dakika ya 33 kuchukua nafasi ya Paulo Godfrey 'Boxer' ambaye aliumia
Hata hivyo Boxer amepona majeraha na amesafiri kuwakabili Rollers
