Azam TV kurusha 'mbashara' mechi ya Township Rollers vs Yanga Jumamosi

Azam Tv imethibitisha kupata haki za kurusha mbashara mchezo wa marudiano wa ligi ya mabingwa barani Afrika kati ya Township Rollers dhidi ya Yanga ambao utapigwa Jumamosi August 24 2019 huko Botswana

Mchezo huo utapigwa saa tisa Alasiri kwa saa za Botswana ambapo kwa hapa Tanzania itakuwa saa 10 jioni

Kikosi cha Yanga tayari kiko Afrika Kusini ambapo kitafanya maandalizi ya siku chache kabla ya kuelekea Botswana

Mchezo wa Jumamosi ni wa kufa au kupona kwa Yanga, kwani mabingwa hao wa kihistoria wanahitaji kushinda ili kusonga mbele raundi ya kwanza

Yanga bado ina nafasi ya kusonga mbele ugenini licha ya kulazimishwa sare ya bao 1-1 kwenye mchezo wa kwanza uliopigwa uwanja wa Taifa wiki iliyopita