Metacha kuendelea kuibeba Yanga ligi ya mabingwa

Mlinda lango Metacha Mnata anatarajiwa kuendelea na majukumu ya kukaa langoni kwenye mchezo wa marudiano ligi ya mabingwa dhidi ya Township Rollers

Baada ya kukosekana kwa leseni ya Farouk Shikalo, Metacha atakuwa na jukumu la kuibeba Yanga huko Botswana kama alivyofanya jijini Dar es salaam

Metacha ni mmoja wa walinda lango bora wa Tanzania kwa sasa akiwa kwenye kikosi cha timu ya Taifa

Uzoefu aliopata kwenye michuano ya AFCON 2019 iliyomalizika mwezi uliopita nchini Misri, umemfanya mlinda lango huyo aongeze kujiamini

Baada ya kuwa na changamoto ya makipa kwa takribani misimu miwili, msimu huu Yanga haina hofu tena katika eneo hilo kwani imesajili walinda lango wenye viwango vya Kimataifa