Jana kwenye mitandao ya kijamii taarifa za kundi la Task Force lililokuwa linahusika na kulinda timu katika michezo mbalimbali, liliandika barua kwa uongozi wa Yanga likitangaza kuacha majukumu hayo
Kundi hilo ambalo lilianzishwa enzi za Manji, limeeleza kuvunja shughuli zake baada ya kukosa ushirikiano kutoka kwa uongozi
Wanadai kwenye mchezo dhidi ya Township Rollers waliambiwa kuwa hawahitajiki huku wakilipwa kiasi cha Tsh 1.7M kusimamia mchezo huo
Hata hivyo ni kama uongozi wa Yanga chini ya Mwenyekiti Dk Mshindo Msolla ameamua kuachana na utaratibu wa kutumia makomandoo hao ambao kila mchezo wamekuwa wakilipwa fedha nyingi
Utaratibu wa kutumia Makomandoo ulianzishwa na Dk Jonas Tiboroha mwaka 2015 wakati akiwa Katibu Mkuu wa Yanga chini ya Uwenyekiti wa Yusuf Manji
