Uongozi wa klabu ya Yanga umethibitisha kumalizana na wachezaji wake wawili waliokuwa na madai Kelvin Yondani na Juma Abdul ambao tayari wameungana na kambi ya timu hiyo mkoani Kilimanjaro
Akizungumza na waandishi wa habari leo, Makamu Mwenyekiti wa Yanga Fredrick Mwakalebela amesema wanatarajia kufanya mazungumzo na beki Andrew Vicent ili nae ajiunge na timu
"Yondani yuko kambini tangu juzi, leo Juma Abdul nae ameungana na timu," amesema
"Leo au kesho tutakuwa na kikao na Andrew Vicent ili nae ajiunge na wenzake haraka"
"Tunathamini mchango wa wachezaji hawa kwa timu yetu ndio maana tunataka tumalize changamoto iliyokuwepo"
Mwakalebela amesema wanataka kuwa na kikosi kamili kwenye mchezo wa marudiano dhidi ya Township Rollers ambao utapigwa August 23 nchini Botswana
