Yanga kujichimbia Kilimanjaro kuiwinda Rollers

Baada ya kulazimishwa sare ya bao 1-1 dhidi ya Township Rollers, kikosi cha Yanga kinatarajiwa kuelekea mkoani Kilimanjaro kujiandaa na mchezo wa marudiano utakaopigwa huko Botswana kati ya August 23-25

Yanga inatarajiwa kucheza michezo miwili ya kirafiki kabla ya mchezo huo wa marudiano

Ijumaa ya Agust 16, Yanga itachuana na Polisi Tanzania, mchezo ukitarajiwa kupigwa mkoani Kilimanjaro

August 18 Yanga itaelekea mkoani Arusha ambako itacheza mchezo wa Kimataifa wa kirafiki dhidi ya AFC Leopards

Kocha Mwinyi Zahera amesema michezo hiyo itawasaidia kuwa tayari kuikabili Rollers nchini Botswana

Yanga inahitaji kushinda mchezo huo wa ugenini au hata sare ya kuanzia mabao mawili itawapeleka raundi ya kwanza