Poleni ndugu zetu wa Morogoro

Zaidi ya watu 61 wamefariki dunia mkoani Morogoro leo baada ya lori la mafuta ya petroli kupinduka na kuwaka moto eneo la Msamvu

Lori hilo liliwaka moto muda mfupi baada ya wananchi kulivamia kuchota mafuta

Kamanda wa Polisi Mkoa wa Morogoro, Wilbroad Mutafungwa amesema miili ya watu 61 imepatikana

Kulingana na mashuhuda wa tukio hilo, baada ya lori hilo kupinduka, wananchi walilivamia na kuchota mafuta yaliyokuwa yakimwagika

Ghafla mlipuko huo ulitokea na kusababisha vifo na majeraha kwa watu wengi

Mganga Mfawidhi Hospitali ya Rufaa ya Mkoa Morogoro, Rita Lyamuya amesema wameshapokea majeruhi 60, ambao kati yao wanaume ni 58 huku wanawake wakiwa ni wawili